Marche Gourmande Mäerzeg a.s.b.l. ass frou Iech de 08.Mee  2022 duerfen ze begréissen.

Dëst Joer weise mir Iech eis schéi Gemeng vu 4 Säiten. Dëse flotten Tour féiert Iech iwwer 13 km duerch d’Duerf an eis idyllesch Natur wou dir an 8 Etappen kulinaresch a musikalesch beschtens versuergt gitt. Ee Sprangschlass fir eis Kleng a soss nach puer Iwwerraschungen sinn och um Rendezvous. Den Depart ass am Centre Turelbaach. Duerno geet et weider iwwer de Knapp, Laangepesch duerch de Park erop an d’Säitert. Vun der Gewann aus geet et op Fuessend wou de Wee dann duerch Turelbaach zréck iwwert Haard an den Centre Turelbaach féiert. De Parcours ass eng interessant Mëschung aus Bëschweeër, Feldweeër an Asphalt, deen ouni Problem mat enger Trailkutsch gemaach ka ginn.

Fir déi di mam ëffentlechen Transport wëlle kommen, besteet eng Verbindung vun der Gare Ettelbréck op Mäerzeg an owes och erëm zréck. Den Horaire fannt dir um Link mobiliteit.lu

Fir all déi aner steet de Parking beim Centre Turelbaach a virum Futtballterrain zur Verfügung.

Fir Iech beschtens encadréieren ze kënnen, wäerte mir d’Unzuel vun de Leit op 600 limitéieren.

D’Aschreiwungen kënne just iwwer eise Site gemaach ginn a sinn eréischt gülteg soubal dir vun eis eng Confirmatioun geschéckt kritt a bezuelt ass.

EDITIOUN 2022 ASS SOLD OUT