DE WEE

Marche Gourmande Mäerzeg a.s.b.l. 

ass frou Iech de 18. Mee duerfen ze begréissen.

Dëst Joer féiert Iech eisen Tour vu Mäerzeg bei eis Noperen op Viichten. Op deenen 14 km gitt Dir kulinaresch a musikalesch beschtens versuergt. Ee Sprangschlass fir eis Kleng a soss nach puer Iwwerraschunge sinn och um Rendezvous. 

Den Depart ass am Centre Turelbaach. Vun do aus féiert de Wee op Falschend, wou Zopp op Iech waart. Dann geet et weider op Mëchelbuch, wou Dir dann op Boschend d’Entrée kënnt genéissen . Lanscht Stackigwisen erop op Barzig, duerch Schandeler-Strooss kommt dir op de Site vun der Gemeng Viichten, wou dir dee bekannte Mosaik kënnt bewonneren an de Apero op Iech waart. Geschichtsfrënn Viichten-Mäerzeg ginn Iech déi néideg Infoen zu der Geschicht vum Mosaik. De Haaptplat kritt dir am Zentre Kulturell servéiert éier de Wee Iech dann iwwer Eiwel, Peckelshaff a Wilgeshaff zréck op Mäerzeg féiert, wou an der Latterbaach de Kéis ob Iech waart . No dämms dir Iech bëssen erblosen hutt, gitt dir dann an Säitert, wou dir e Stéck vun der Mäerzeger Geschicht gesitt – Déi Mäerzeger-Steekaulen. Do kritt dir Drëpp a Knippche servéiert a gesitt Skulptur, déi mir der Gemeng Mäerzeg zum Ulass vum 150 järege Gebuertsdag gestëft hunn.Zréck am Centre Turelbaach, kritt dir de Dessert mam Kaffi servéiert. 

De Parcours ass eng interessant Mëschung aus Bëschweeër, Feldweeër an Asphalt, deen ouni Problem mat enger Trailkutsch gemaach ka ginn.

Fir déi, di mam ëffentlechen Transport wëlle kommen, besteet eng Verbindung vun der Gare Ettelbréck op Mäerzeg an Owes och erëm zréck. Den Horaire fannt dir um Link www.mobiliteit.lu

Fir Iech beschtens encadréieren ze kënnen, wäerte mir d’Unzuel vun de Leit op 600 limitéieren.

D’Aschreiwunge kënne just iwwer eise Site www.mgmaerzeg.lu gemaach ginn a sinn eréischt gëlteg, soubal dir eng Confirmatioun geschéckt kritt a bezuelt ass.

D’Equipe vun der MGM a.s.b.l. seet Iech MERCI